S'Assessoradu a is Polìticas Sotziales rendet nòdidu chi partinde dae su 18 trìulas 2022 sunt abertos is tèrmines pro sa presentada de is pregontas de nidu de infàntzia comunale pro s'Anno Educativu 2022/2023.
Su servìtziu est giradu a unu màssimu de n. 26 pipios residentes in su Comunu de Sarrocu, e a is pipios non residentes chi tèngiant unu ligàmine cun su territòriu (is babbos traballant in su territòriu de Sarrocu, is pipios frecuentant is iscolas in Sarrocu e/o sunt afidados a is curas de is mannois chi istant in Sarrocu etc.), partzidos orientativamente in is tres setziones
Prima setzione: n° 6 minores de is ses meses a is dòighi meses; Seconda setzione: n° 8 minores de is trèighi meses a is bintitrès meses; Sa de tres setziones: n° 10 minores de is bintibator meses a is trintasès meses. Sa pregonta de iscritzione at a dèvere èssere presentada petzi on line, intro su 5 austu 2022 atzedende a su portale Planet School disponìbile in sa setzione “SERVÌTZIOS ONLINE DE SU TZITADINU – SERVÌTZIOS ISCOLÀSTICOS”.
Su servìtziu on line pro sa presentada de sa dimanda de iscritzione a su nidu de infàntzia comunale est impreàbile francu autenticatzione digitale a banda de su genitore chi presentat sa recherta mediante credentziales SPID o CIE .
Ant a bènnere acollidas fintzas eventuales pregontas cròmpidas in prus de s'iscadèntzia subra numenada ma ant a andare a pònnere a pare in un'apòsita lista de abetada, formulada cun s'atributzione de is puntègios previstos a s'art. 4 de su Bandu.
S'ammentat chi s'Identidade Digitale, est possìbile la rechèrrere diretamente, e in donu, acanta su Comunu de Sarrocu - Servìtziu Demogràficu/Istadu Tzivile/Eletorale. Su Comunu de Sarrocu, difatis, est istadu acreditadu cale Rao (Registration Authority Officer), est a nàrrere sugetu incarrigadu a sa verìfica de s'identidade personale de is tzitadinos chi si cherent dotare de su SPID. Totu is informatziones subra de is modalidades de reconnoschimentu sunt disponìbiles a su sighente link Recherta SPID .
Cun sa presentada de sa pregonta, su richiedente, s'assumet sa responsabilidade de atestare is recuisitos rechestos, pro sese e pro is àteros cumponentes su nùcleu familiare anagràficu pròpiu, puru sa sussistèntzia de is unas àteras cunditziones reddituale.
Is pregontas cròmpidas cun diversas modalidades no ant a èssere pigadas in cunsideru.
Totu is indicos relativos a is modalidades de atzessu a su portale e a is iscritziones online sunt cuntentas in un'apòsita ghia allegada a su presente Bandu e reperire in sa setzione allegados.
