Avisu Voucher Patentes

Is tzitadinos interessados, in possessu de is recuisitos prevìdidos dae s'Avisu, podent presentare sa dimanda pròpia pro rechèrrere unu voucher formativu pro su cunsighimentu o su rinnovu de is patentes C e CQC, D e CQC e E.

Sa partetzipatzione a su subra numenadu Avisu est vinculada petzi a sa protzedura informatizada disponìbile suta su SIL Sardigna. Custa protzedura permitet de intregare assolos sa pregonta pro s'Avisu solu a is tzitadinos registrados subra de su SIL Sardigna.

No est cunsentidu l'imbio de sa pregonta cun modalidades diferentes a pena de esclusione. A fàghere data dae su 01/10/2021 no fait a impreare is credentziales SIL (userid e password) e duncas s'atzessu a is servìtzios de su SIL Sardigna est cunsentidu sceti tràmite autenticatzione SPID/TS-CNS .

Is candidaduras ant a pòdere èssere presentadas partinde dae is oras 10:00 de sa die 22.04.2022 e no in prus de is oras 14:00 de su 06.05.2022.

At a fàghere fide sa data e s'oràriu de imbio telemàticu tzertificada dae su sistema. Pro predispònnere e imbiare sa candidadura inerente s'Avisu Voucher patentes, est netzessàriu sighire su sighente percursu: 1. In s'homepage de su portale www.sardegnalavoro.it, seletzionare su link “Atzedes a sos servìtzios” e s'autenticare a s'àrea riservada pròpia.

2. Seletzionare su link “Voucher Patentes” postu in su menù de navigatzione de manca 3. Seletzionare su butone “Protzedis”.

Pro informatziones de caràtere tècnicu subra de s'insertada de sa pregonta, fait a mutire su servìtziu de suportu de su SIL Sardigna, operativu de su lunis a sa chenàbura, de is oras 8.00 a is oras 14.00 e de is oras 15.00 a is oras 18.00: - a su nùmeru de telèfonu 070.0943232; - bia mail a s'indiritzu suportu@sardegnalavoro.it; - impreende su Form web, atzessìbile a traessu de sa seletzione de su link “Recherta Suporto” presente in s'homepage de su Portale SardegnaLavoro e in s'àrea riservada de totu is impitadores registrados in su SIL, in currispondèntzia de su menu verticale de navigatzione.

Pro cale si siat informatzione chi pertocat su protzedimentu amministrativu, is interessados ant a pòdere mutire s'Ufìtziu Relatziones cun su Pùblicu (URP) de s'ASPAL, sitiadu in bia Is Mirrionis, 195, Casteddu, telèfonu 0706067039, de su lunis a sa chenàbura de is oras 11:00 a is oras 13:00, e in is dies de martis e mèrcuris fintzas de is oras 16:00 a is oras 17:00 opuru a su sighente indiritzu de posta eletrònica: agenzialavoro.urp@regione.sardegna.it.

S'ammentat chi pro pòdere imbiare sa pregonta, in prus de èssere recherta sa registratzione subra de su SIL Sardigna, est netzessàriu, pro como de sa presentada de sa pregonta:

• èssere in possessu de s'istadu de disocupadu cun Decraratzione de Lestra Disponibilidade (DID) in cursu de balidesa a is sentidos D.Lgs. 150/2015 e ss.mm.ii;

• èssere in possessu de a su mancu una patente superiora a sa B, overas sa C o D;

• èssere residentes in Sardigna.