Averto manifestatzione interessu

Premìtidu chi custa Amministratzione cheret programare una sèrie de eventos e manifestatziones s'annu 2022 e tentu contu de is dificultades de providire a s'organizatzione e gestione de s'eventu cun su personale comunale pro farta de is netzessàrias risursas umanas, logìsticas e istrumentales, si chircant Assòtzios chi possedant adeguada capatzidade organizativa, dimustrada in su cursu de is annos, in gradu de garantire su suportu logìsticu netzessàriu, chi chèrgiant collaborare tràmite acòrdios de collaboratzione ex art. 119 de su D.Lgs 267/00 , pro sa realizatzione de eventos e manifestatziones organizadas dae s'amministratzione comunale. S'art. 119 de su D.Lgs. 267/2000 ''Cuntratos de isponsorizatzione, acòrdios de collaboratzione e cunventziones'', previdet chi is Comunos, is Provìntzias e is àteros Entes Locales in aplicatzione de s'artìculu 43 de sa lege 27 nadale 1997 n. 449 e a su fine de favorire una mègius calidade de is servìtzios prestados podent istipulare acòrdios de collaboratzione.

S'acòrdiu de collaboratzione no de deretu a calicunu cumpensu pro sa faina prestada in collaboratzione cun s'amministratzione comunale, ma petzi a unu rimbursu de ispesas documentadas e preventivamente aprovadas. Duncas perunu cumpensu at a pòdere èssere erogadu pro faina acumprida diretamente de s'assòtziu.

Ant a pòdere èssere rimborsadas is prestatziones acumpridas dae is sòtzios in sa medida màssima de su 25% de s'importu totale. Totu is pagamentos ant a dèvere acontèssere tràmite bonìficu bancàriu o postale a su fine de garantire sa tracciabilidade. No ant a bènnere in manera assoluta ammìtidas unas àteras modalidades de pagamentu.

Su sèberu de su collaboradore at a acontèssere subra de sa base de su critèriu de rotatzione intre is sugetos chi tèngiant intre isfines istatutàrios is matessi fines chi s'amministratzione cheret cròmpere cun s'Eventu programadu. Is sugetos interessados ant a pòdere presentare Manifestatzione de interessu, de formulare subra de s'apòsitu mòdulu, in allegadu a su presente averto, tràmite Pec a s'indiritzu protocollosarroch@pec.it intro chenàbura 15 trìulas 2022