Da s’inghitzu de s’eventu fintzas a essi postu totu in seguresa, s’Aministratzioni Comunali est stètia sèmpiri in cuntatu cun is responsàbilis de sa strutura po averiguai su chi fiat acuntessendi. SARAS fait sciri ca su fogu “est po nexi de su callentai dèpiu a su movimentu de is ainas mecànicas” e chi “s’eventu est stètiu de pressi postu in seguresa e improntau da su personali calificau de sa sociedadi etotu, cun s’agiudu de is veturas antincèndiu”.
Incora fait sciri chi “funt stètius postus a disponimentu is ainas de importu po podi ponni in seguresa sa zona interessada, fintzas cun sa presèntzia de una scuadra de su Cumandu de is VV.F de Casteddu chi ndi funt lòmpius in deretura apustis de una tzerriada, a cunforma de is inditus stabilèssius.
Non nci funt nì dannus a personas nì a àteras ainas. Sa Rafineria at sighiu a traballai cumenti a sèmpiri”. S’Aministratzioni Comunali sighit a castiai sa faina e su chi at a sucedi at a essi fatu sciri in deretura a sa tzitadinàntzia
-Photoroom.png-Photoroom.png){kind=icon}